දිරවා ගන්න බැරි සත්‍යය...

මෂ්තිෂ්කය හා මධ්‍ය ස්නායු පද්ධතිය හා සම්බන්ද සිත යනු රසායනිකයකි...
ඔබ පහළ කරන ආවේග මත මේ රසායනික යන්ගේ සංඝටක වෙනස් වේ.
ඒ ඒ ඉන්ද්‍රියයන්ට ආවේදන නිකුත් වේ.
ඉන්ද්‍රිය උත්තේජනය වේ.. 
සටන් කරනු ... නැත්නම් සැගවෙනු ...
ඒ නිසා බිය වූ විට චූ ..යයි... මල පහවෙයි... දහඩිය දමයි...
... රාග.. ද්වේෂ ... මෝහ ... කෙලෙස් මේ සියල්ල ..
උත්තේජන මතයි...දේශණා ... දෘෂ්ඨි ... ඒ මතය..
මෙයයි සැබෑ දැක්ම....

කෙනෙකු මීට පිළිතුරු දෙන්නේද ...
ඇසින් පෙන්වන රූප ( අකුරු) මත මොළයේ සංජානනයෙන් විකසනය වුනු දැනුම හරහාය..
ඔර්ලෝසුවකට මෙම ආවේදන වේගය මණින්න බැහ. එනිසා මොහොත කියන වචනයද සාවද්‍ය වේ...
ඒ ආලෝකයේ වේගය පරදවන එකකි...
මෙය ඇද බැද තැබිය හැකියැයි කවුරු හෝ කියයි නම් ...
ඔහුගේ මොළය පරීක්ෂා කළ යුතුව ඇත..
දිරවා ගන්න බැරි අයට.....
මතුපිට බණ නැමැති සීනි තවරා දුන් විට .... සූප්පුකරනු ඇත...

අනිමිස ලෝචන පූජාව තවත් එක පූජාවක් ද ...... නැත්නම් ?

පරෝපකාරයක් ලෙස ... තමාට බුදු වෙන්න උදවු කළ බෝගස දෙස දින 7ක් තිස්සේ ඇසිපිය නොහෙලා බලා සිටීමක් ලෙස පෙළ දහමේ විවරණය වේ..
මේ මදක් විමසමු ?..
ඔබට යමක් සත්‍ය වශයෙන් දකින්න ප්‍රඥාව ඇවැසි බව අවිවාදිිිතයි...
ප්‍රඥාවෙන් බලන විට ගසක් දෙස දින 7ක් බලා සිටීමෙන් ගසට උපකාරයක් උපහාරයක්වේද? යන පැනය සිතට නැගේ.....
බෝ ගසක් ... යන සිතුවිල්ල සිතට එනවිට ඔබේ මනසේ කලින් දැක පුරුදු ගසක හැඩ රුවක් මැවේ...( දැක ඇත්නම්)
මෙහි යථාස්වරූපය දක්නට නම් .... බෝ .... යන්න ගසෙන් ඉවත් කර ගෙන ..
ගස ... යන රූප ධර්මයට එමු...
අපි දැන් මේ ගස දැකිය යුත්තේ මේ මොහොතට එළැඹය...
ඇස ගසක් දකිනවා .... ඒ ඇසේ කාර්යයි.
හිරු එලිය වේ නම් ගසට සෙවැනැල්ලක් ... උප සෙවැනැල්ලක් ද පෙනේ.
ගස ... ඔබ සිටින තැන වෙනස් කර .... ඉදිරියට හෝ පසු පසට ගොස් බලන්න...
පසු පසට ගියොත් ඡායාව බොද වේ..
සෙවනැල්ල නැතිවේ..
ප්‍රමාණය කුඩා වේ....
හොදයි .... ඉදිරියට ගොස් බලන්න ...
කොල / නැටි / / හැඩ/ රුව / පත්‍ර පාට වල විවිධත්වය සේම ...
මුලු ගසම නොව ගසේ කොටසක් පමණක් ඇසට අසුවේවි...
එසේ නම් එකම ගහක් වීද? තමා සිටි තැනට අනුරූපව දුටු ගහක් වේද?
හොදයි .. දැන් ගස අතගා බලමු...
කදේ රලුබවක් ... ලපැටි පත්‍ර වල මුදු බවක් වර්ණ වල හරිත පැහයේ විචිත්‍ර බවක් දැනේ පෙනේ...
ගසට සමාන්තරව ඔබ සිටින තැනින් පය ඔසවන විටම මක්වේද?...
මේ සියලු වෙනස් බාහිරව සිදුවේ ...
හිටපු තැනින් ඔබ ඈත් වෙත්ම ... ගසට සාපේක්ෂව ඔබ ලංවේ...
මේ දෙක වෙන වෙනම ද සිදුවන්නේ ? නැහ .. එකවරය...
ඔබ ග්‍රහණය කොට ගෙන සිටි ... දුර .. මිණුම්... ප්‍රමාණ වලට මොකද වෙන්නේ?
වර්ණ වලට මොකද වෙන්නේ..?
ගස ස්පර්ශ කොට තිබෙන බවට සහතික කරගන්නා ... අත ...
ගැන මොකද හිතෙන්නේ?... ඇස ගැන ඔබ තිබූ විශ්වාසය දැන් නැති කල ?
අත ... ගැන ? කියනුම කවරේද?
මේ සියලුම ඉන්ද්‍රියයන් ඔබව රවට්ටන බව නොවැටහේද?
ඔබ ඔබවම නේද මේ රවටා ගන්නේ යැයි නොසිතේද?
එහෙනම් මේ ඔබ දකින්නේ / ඉන්නේ / දවල් සිහිනයක බව ..
නොසිතේ ද? ... නොදකීද?
මේ සිහින අඩ නින්දේ දී ය.
සිතුවිලි නැති ගැඹුරු නින්දේ ... ඔබ නැත...
විඤ්ඤානය අවදි වීම තුල මිස වේලාව ගැන ඔබට හැගීමක් වීද?
සතියෙන් ( දින 7න් නොවේ ) මේ දැක්ම නොවේ නම් ???
කුමන අනිමිස ලෝචනයක් ද?
විදර්ශනයක් ද?
කුමන ... සම්මා දිට්ඨියක් ද?
( Ananda )

බුදුන් පහළ වීමෙන් වැඩක් නොවීද?.

" බුදුන් පහළ වූ දඹදිවු තලය දෘෂ්ඨි කෝෂ්ඨාගාරයක් වී."....
62 ක් පමණ වූ දෘෂ්ඨි සමාජ ගතව පැවැති බවක් බ්‍රහ්මජාල සූත්‍රයට අනුව
පෙනේ...
(#) ආත්මයක් ඇත.... කියා ගැනීම ශාස්වත දෘෂ්ඨිය...
(#) ආත්මයක් නැත කියා ගැනීම උච්ඡේද දෘෂ්ඨිය ...
(#) ආත්ම යක් ඇත හෝ නැත කියා ගැන්ම මිථ්‍යා දෘෂ්ඨිය...

(#) මම .. හෝ ආත්ම වශයෙන් ගතහැකි කිසිවක් නැත සම්ම්‍යක් දෘෂ්ඨිය..
(#) කෙනෙකුට මරණයෙන් පසු නැවත උපතක් ඇත .... ආත්ම දෘෂ්ඨිය.
(#) කෙනෙකුට මරණින් පසු නැවත උපතක් නැත... අනාත්ම දෘෂ්ඨිය...
(#) ජීවත්වන කෙනෙක් ඇත... කියා ගැන්ම ... සක්කාය දිට්ඨිය ...(අත්ත)
(#) ජීවත්වන කෙනෙක් කියා දැනටමත් ගතයුත්තෙක් නැත... අනත්ත
එතකොට මේවා අදටත් නැද්ද?....
බුදුන් පහළ වීමෙන් වැඩක් නොවීද?...
යන පැනය නැගේ..?

" දෘෂ්ඨි " ....යනු මොනවාදැයි පළමුව විමසමු...?
-----------------------------------------------------
පුද්ගලයෝ තම සිතුම් පැතුම් අනුව / දැනුම අනුව / ඥානය අනුව /
අත්දැකීම් අනුව / ප්‍රිය මනාප ගුරුවරුන් ගේ ආකල්ප පිළිගෙන ...
විවිධ මතිමතාන්තර දැඩිව අල්ලා ගෙන ...
ඒවා තමා ගේ කරගෙන එක තැනකට කොටුවී සිටීම....
දෘෂ්ඨි ගතවීමක් ලෙස පොදුවේ අදහමු........
එහි හරි වැරැද්ද විනිශ්චය කරගන්නේ ද තමා විසින්මය..
යමෙකු ඊට එරෙහිව අදහස් දක්වයි නම් ...
පිළිකුලෙන් බැහැර කිරීම ..
උපහාසයට ලක් කිරීම ....
විරෝධාකල්ප දැක්වීම ....
අවධානය නොදී සිටීම ...
තරමක් හෝ සමාන අදහසක් දෙයි නම් .... ඒ තම මතය තහවුරු කරන්න ඈදා ගැන්ම .... කරත්.
එක තැනක නතරවී සිටීම තුළ .... ඔබට ගමනක් වේද?
නැවුමු බවෙන් ඉවත්ව පල්වීමක් වේද?,
සජීවී වන්නේ ...  ඒ ඒ ක්ෂණය විමසීමයි..
ප්‍රශ්ණයකට පිළිතුරක් ලෙස යමක් උපුටා දක්වයි නම් ...
කෙනෙකු ගේ ගුරුවදනක් එතනට ගලපයි නම් සජීවී බව රැදේද ?
දෘෂ්ඨි වල .... සම්‍යක් හෝ ... මිච්ඡා ... යැයි වර්ගී කරණ වේද?
---------------------------------------------------------------------------------
ඇයි? .. මේ දෙකම ( සම්‍යක් හෝ ... මිච්ඡා  )  දෘෂ්ඨි බැවිනි.... සියලු දෘෂ්ඨි හල තැන සම්මා දිට්ඨියයි...
සම්මා දිට්ඨි යනු තවත් එක් දෘෂ්ඨියක් නොව ... ඇත්ත ඇති ලෙස දැක්මයි...
සත්‍ය යේ මාවතයි....
මේ මාවත මදක් විමසමු.....
(!) සීල.... විනයයි ... අර මා මුලින් සදහන් කළ ( ව්‍රත සමාදාන නොවේ)
(!!) සමාධි ... සිතේ නැවුම් බවයි... අලුත් බවයි... සමථ බවයි...
(!!!) ප්‍රඥා ... ( ඉහත දෙකම ඇති තැන නිවැරැදිව යමක් දැක්මේ ප්‍රගුණ බවයි)
...................................................................................................
දැන් මෙතනට ඇවිත් ඊලග ආත්මයක් තිබේද? නැද්ද  යන්න .... ඔබටම බලා ගන්න හැක...

( ආනන්ද ගෙනි.)

මම කවුද?... ######

තමන් වඩාත්ම නොදන්නේ තමා කවරේද යන්නය... කෙනෙකු කියන්න පිළිවන්
මේ සිතට අයිති කෙනා මම කියල.... එතකොට තවෙකෙක් අහන්න පිලිවන් සිත .... ඔබේද කියලා?....
ඔබේ සිත සිරුරේ කොතැනකද තියෙන්නේ කියලා.... 
ජීවය නමැති සාධකය සිරුරේ ඇති විටෙක එය බාහිර පරිසරයේ දේවලට විවිධ ඉදුරන් ඔස්සේ ප්‍රතිචාර දක්වන බවක් අපට දැනේ... ඒ නිසා එය ධර්මතාවයක් ලෙස විවරණය කෙරේ... එය සදා බැද තැබිය නොහැක..
සිත සමාධිගත කළ විට දැනෙන ගති සොබාව පහව යේද?
ඒ දැනෙන දෙය සිතද?......
සිරුර තුළ ඇතිවන කායික වේදනා...මම ... කියන පුද්ගලයාට දැනීමට සලස්වන්නේ කවරක් මගින්ද?
මේ සමස්ථ ක්‍රියාවලියම මෙහෙයවන්නේ මොළය ප්‍රධාන කොටගත් ස්නායු පද්ධතිය ඉදුරන් හා සමායෝජනයෙනි. ඒ හුදු රසායනික ක්‍රියා දාමයකි.
මොළය මිය ගියාම නෛතිකව පුද්ගලයා මිය ගියා සේ සැළකේ....
මිය ගියා යැයි තීරණය කොට කලක් ගතව නැවැත සිහියට පත්වූ අයත් විරලව සිට ඇත.....
සිතේ ක්‍රියාකාරිත්වය ගැන ආගම්වලින් විවිධ විවරණ සපයනු පෙනේ...
සිත .. ඉන්ද්‍රියයක් වශයෙන් සලකන විට එය සමස්ථ සිරුරේම පාලනයට හවුල්වන නිසා මුලු සිරුරම සිත ලෙස ගැනීම ද වරදෙක් නොවේ.
අප මෙම .... බව ගමන .... යන්නේ සිත පෙරටු කොට තබා ගෙනය.
හැගීම්.. දැනීම්... ප්‍රතිචාර ... සමස්ථ සිතෙනි...
මේ සිතේම විශේෂ හැකියාවක් නිසා ... මම .... ඇත.
ඒ කාලය සමග ගැලපීම තුළිනි... මතකාවර්ජනයයි.
ඒ මතකයද කාලය සමග කෙමෙන් වියකී යයි.. එසේ නොවන ඒවාද ඇත..
රහත් බවේදී වුවත් සිත .... මමංකාරයෙන් .... නොමිදුන අවස්ථා පිළිබද කතා පෙළ දහමේ ඇත....
බුද්ධත්වය ... බෝධිය .. ඥාන.. ප්‍රඥාව ... මේ සියල්ල සිත පෙරටු කොට ලබාගන්නා ඵලයන්ය..
අප හැම සසර යන බෝධිවන්දනාවක නිබදවම යන්නමෝ වෙමු...
එදිනෙදා තම ජීවිත සරිකරගන්නේ එම වන්දනා වෙනි.එම අවබෝධයෙනි.. එම ප්‍රත්‍යක්ෂයෙනි...එම බුද්ධියෙනි..
ධනයට ... බලයට .. නිලයට ... ලෝභී වී සැප සොයා යන අප නතරවන්ගැන නො සිතන්නනමෝ වෙමු...
ලබාගත් පුද්ගලයෝ උදම් අනති...
ප්‍රතිරූප ගොඩනගා ගනිති....
අනෙකා විවේචනය කරමින් තරගයට කැදවති..
තමා ප්‍රත්‍යක්ෂ කළේ යැයිද
මමත්වයෙන්ම දොඩවති...
මේ ගැන අප අනුකම්පා කළයුතුව ඇත...
ඇයි ඔහුද මෙම වන්දනාවේම යන්නෙක් බැවිනි.
නොහැකි වූවෝ ලතවෙත්.තව තව වෙරවීරිය කරමින් සිට කිසිවක්ම නොලබා ජීවිතයට සමුදෙත්..............

ජීවිතය ජයගත්තෝ .....
නිවී සැනසිල්ලේ තරගයෙන් ඉවත්ව සදහටම සමුගනිත්...
ඉන් එහා බලාපොරොත්තු නැත.

උප්පාද + වය ධම්මිනො ( සිත ඒ ඒ ක්ෂණයේ ඇතිව .. නැතිව .. යාම ධර්මතාවය වුවත්) ඊට පුද්ගලයෙක් ගේ උපත මරණය පටලවා ව්‍යාකූල කරගත් බුදු දහම... .

බුදු සමය විවරණය කරන්නේ බාහිර පරිසරය හා  බැදුන ඉදුරන් ... ඒවායේ හැසිරීම් විමසන ... සිතේ.... සිතුවිලි පහලවීම හා ඒම සිතුවිලි වල මරණයයි....
පුද්ගලත්වයට තැනදී මම මාගේ කියා මේ ගති සොබාව නොදැක දැඩිව අල්ලා ගැනීම තුළ සියල් දුක්ඛ දෝමනස්සයන් හටගනී.....
බුදු සමයේ ප්‍රකාශිත ... ( පහළවීම(ජාති) /අනිත්යතාව හෙවත් වෙනස්වීම (ජරා)
 / මරණ හෙවත් නිරෝධය  ).....
....කෙනෙකු ගේ උපතක්/.....  කෙනෙකු ගේ වයසට යාමක් / .....
කෙනෙකු ගේ මරණයක් ... ලෙස වරදවා වටහා ගැන්මත් ඊට අනුරූපව දැඩි මමත්වයක් පහළ කරගැනීමත් නිසා අසීමාන්තිකව තාප්ප වැට කඩොලු බැදගෙන  අසහනකාරිත්වයෙන් මිනිසා පෙළේ....
පටිච්ඡ සමුප්පාද ක්‍රියාවලියෙන් මෙය මනාව හේතු ප්‍රත්‍ය වශයෙන් සැමටම වටහා ගත හැක...
හරියටම තේරුම් ගත්තොත්.... භව / පුනර් භව / හා බැදුන ..... සසර ...ක්‍රියාකාරිත්වය මේ ජීවන මග තුළ මිස ...
එහාලෝක ගැන තර්ක විතර්ක පැන නොනගී...
මෙය පටලවා ඇත්තේ ආත්මීය සංකල්පය ... බමුනු දහමින් බුදු සමයට සම්ප්‍රේෂණය කිරීම තුළිනි....
එනිසා මරණින් මතු ......
ජීවිතය කම්මුතු නොකර ....
 තව තව ලෝකවලට රෝන්දේ ගසා...
අන්නතිමට මට ඕනෑ දවසක ... නිවන් දකින්න පුලුවන් වන බව
අද  වැඩි දෙනා අදහති.....

උදාහරණයක් ගනිමු...
1. තණ්හාවක් පහළවීම ( ජාති) හෝ  ( උපත) කියමු....
2. ඒ තණ්හාව  නිසා සිත තව තව අරමුණු හා බැදී ව්‍යාකූල වීම .. ( ජරා)
3. තණ්හාව හටගත් සිතෙන්ම  නැතිව යාම හෙවත් නිරෝධය .රෝදය නතරවීම හෙවත්  ( මරණය)
සිතුවිල්ලක උප්පත්තිය / සිතුවිල්ලක මරණය නිබද සිත්හි සිදුවේ...
සතිපට්ඨානයේ අරමුණ එය මනාව දැක ගරන්මයි....
එම සමස්ථ ක්‍රියාවලිය  .....
භව /පුනර් භව /(සසර) බව වටහා ගෙන නිවී සැනසෙන්නෝ ඥානමාර්ගයේ යන්නෝය...
 ##### වටහා නොගෙන මිය ගියා යැයි සිතමු....  ඔහු ජීවත්ව ඉන්දැද්දී පීඩාකාරිත්ව යෙන්  මිදුනෙක් නොවේ...)

තණ්හාය ජායති සොකෝ..... තණ්හාය ජායති භයං... තණ්හාය විප්ප මුත්තස්ස ..... නත්ථි සොකො කුතො භයං..

 Esani Dammi Samarasekera @( විමසීමට ලියූවක් )

(සාක්ශි අවශ්‍යයි.
සාඒවායේ බලය අනන්තයි.
සැනසුනාම දහමින් උපහාර පිදීම විනා අන් පිදීමක් ඇත්නම් නුවණ අනුවයි.
වැදීම අවශ්‍යයි දර්මය ලැබෙන්නේ ඒ ගැන ගෞරවය ඇත්තාටයි.)Esani Dammi Samarasekera .....
හොදම සාක්ෂිකරුවා ඔබමය.....
ධර්මය යනු පවතින දෙයක් මිස ලැබෙන එකක් නොවේ....
එසේම ධර්මයට අනුගත වන්නේ යමක් ලබාගන්නද නොවේ...
බුදුසමය.... සිත පිළිබද විවරණයක් මිස පුද්ගලයන් ගැන කතා කරන එකක් නොවේ....
Esani ... ඉපදුනා නොවේ...
ඔබ ජීවියෙක් ලෙස උපතක් ලැබුවා.... ඒ කෙනා ඒෂානි බවට රෙජිස්ටර් කළා. 
අවට පරිසරයෙන් .. නෑ හිතවතුනගෙන් භාෂාව... හොද නරක සංකල්ප ඉගෙන ගත්තා... ලෝකය තිරකොට ගත්තා....
Esani Dammi Samarasekera .....දැන් ලෝකය තුළ දුක/සැප විදගෙන /බෙදා හදාගෙන ඉන්නවා...
මෙසේ සෑම කෙනෙක්ම තමතමාට ලෝක හදාගෙන ඉන්නවා. ඒ නිසයි මේ විවිධත්වය...
එනිසා අප අල්ලාගත් දේ මනසින් අතහරින්න හරින්න..වඩා සුවයක් දැනේවි.
තණ්හාය ජායතී සොකෝ.... ( අහලා ඇති /දන්නවා ඇති)
තණ්හාව .... මම ... මගේ කරගැන්ම නිසයි මේ අවුල....
නැත්නම් මට සෝකයක් එන්න විදිහක් නැහ....
කෙනෙක් උපදිනවා ... කෙනෙක් ජීවත් වෙනවා... කෙනෙක් මිය යනවා...
යැයි අවිද්‍යාෙවන් අල්ලා ගැන්මයි දුකට මුල....
උපදිනවා ... කියන වචනයම වැරදියි....
බුදු සමයේ එන ජාති/ජරා/මරණ/...
පහළවීම/අනිත්‍යතාව/ නිරෝධය.... වශයෙන් ගෙන බලන්න.
අදහසක් පහළ වුනා.... ඒ අදහස අනුව තව තව අදහස් එක්ව තිරවුනා....
මරණය හෙවත් අත්හැරීම ඒ නිසා අමාරුවුනා...
Esani Dammi Samarasekera ....@
සාමාන්‍ය විදිහ බලමු... උප්පාද ( ඇතිවීම).... වය ( වැය වීම ... විනාශය )...
ධම්මිනො... ( ධර්මතාවය)
උපත හා විපත එකටම කැටිව පැමිණේ... මෙයයි ධර්මතාවය ... දහම....
මෙය තමා ගේ කරගෙන බැලීමයි වැරද්ද....
සිතුවිල්ලක් එනවා... ඒ ක්ෂණයේම අතීතයට යනවා..
එම විඤ්ඤානයේ නැවතීමක් නැහ.... ඒත් මනසින් මම ... මගේ කියල ඒක අල්ලාගන්නවා... එතකොට මම ඉන්නවා වගේ දැනෙනවා. හරියට චිත්‍රපටයක් රූප පෙලක් චලනය වන ආකාරයට .... දුවනවා ... පනිනවා...
මේ උපාදානයන් හෙවත් අල්ලා ගැනීම් තියෙන තුරු දුක්ඛ දොමනස්සයන් ඒ පසු පස එනවා...
මේක කෙනෙක් නුවණින් වටහා ගෙන ........ ඇත්තේ ..... මමෙක් .... නොව ලෝක ධර්මතාවයක් බව දැක ගනීද ...?
ඊට පස්සේ ඔහුට සියල්ල මනසේම මායාවන් මිස සැබැවට පවත්නා ලෝකයක් ලෙස තහවුරු නොවේ...
මේක දැක ගන්න ... ක්‍රම වේද ඕනෑතරම් ඇත...
සතර සති පට්ඨාන/ විදර්ශනා ඥානය... එවන් දෑය...
එවිට ඔහු බුද්ධ පවා දක්නේ .... පුද්ගලත්ව යෙන් තොරවයි....
මිනිස් මනසකින් ලෝකය ඉක්මවූ උත්තම තත්වයක් සේ බුද්ධ දකී.
දැන් ඔබ දකින්නේ ඇසෙනි... ඇසෙන් බැලුවාට බුද්ධ හමු නොවේ.... එය තම හදවත වෙතම ලගා කරගත යුතුය.
ප්‍රාර්ථනා නිශ්ඵලය... පුද පූජා ... තාවකාලිකව හිත රවටා ගන්නා ක්‍රම ලෙස වැටහේ...
තමාට තමා ගේ සරණවත් නැති නොට අන් සරණ පැතීම නිශ්ඵල සේ දැනේ...

Esani Dammi Samarasekera .
එක් සිතුවිල්ලකින් තවත් සිතුවිල්ලකට මාරුවීම බව ../ පුනර් බව ලෙස වැටහේ...
මේ සිතේ සමස්ථ ක්රියාවලියම ... සසර ... ලෙස වැටහේ....
පටිච්ඡ සමුප්පාද .. හේතු ඵල දහම වැටහේ.. තමා තුළම පැනවෙන්නක් බව දකී...
එවිට කර්ම කරන්නෙක් හෝ විදවන්නෙක් නැති බව වැටහේ..
( කම්මස්ස කාරකො නත්ථි විපාකස්සච වෙදකො)
(සුද්ධ ධම්මා පවත්තන්ති.... එවෙතං සම්ම දස්සනං......)
ශුද්ධ වූ ධර්මතාවයන් පමණක් පැවැත්වේ... මෙයයි සම්‍යක් දර්ශනය..
එහිලා කරන්නෙක් කරවන්නෙක් නැත....
ලෝක ධම්මතාවය පමණක් පවත්නේ වෙයි...
නිවන් දකින්නා අන්තිමට මෙම දහම පවා අත්හල යුතුය...
( දහම මාරයා ගේ බව පිළි ගනිමි. ඒත් මාරය .... නිවන තොපට අයිති නැත.-- පරිනිබ්බාන සූත්‍රය)
.කෙටියෙන් කියන්න ගියාම වැරදි වැටහීම් ඇතිවෙනවා.. 
මම ... නැති තැනක නිවන් යන කෙනෙක් ද නැත... බුදුවන කෙනෙක් ද නැත..
කෙනා ඇති තැන දහම නැත.... ලෝකය ඇත....
මේ දෙක අතර දෝලනය වෙමින් ඔබ ... මම... ප්‍රදර්ශනයවේ.
 Esani Dammi Samarasekera ...
ඔබ මාව උසාවියකට කැදවා සාක්ෂි විමසීම ගැන සතුටුවෙමි... ඒ නිසාම අපහසුව නොබලා කරුණු හැකිතරම් සරලව නිරවුල්ව .. ඉදිරිපත් කළෙමි...
පාතේගම සුමන රතන හිමියන් ගේ බොහෝ දේශණා.... සෝම හිමියන් ගේ ... ලෝක ධම්මතාව... දේශණය... තිත්තගල්ලේ ආනන්ද සිරි හිමියන ගේ අභිධාර්මික විගුහයන් හා න්‍යායාත්මක දේශණා මේ අදහස සදහා පාදක කරගතිමි. තවත් ගැටලු වේ නම් අහන්න... දන්නා පට්ටමින් පිළිතුරු දෙන්නම්...

Like · Reply · 24 mins